BLACK BERRY JUICE - NERUDU JUICE GOOD FOR HEALTH

నేరేడు జ్యూస్‌

• కావలసినవి 
నేరేడు పండ్ల రసం - ఒక కప్పు
రాగిపిండి - 1/2 కప్పు
ఖర్జూర పళ్ళు - 6
రోజ్‌ వాటర్‌ - 1 కప్పు
ఫైవ్‌ స్టార్‌ చాక్లేట్‌ - 1

• తయారు చేసే విధానం

ముందుగా నేరేడు పళ్ళను కడిగి నీటిలో వేసి పిసికి గింజలను తీసి ఒక కప్పు రసాన్ని తీసుకోవాలి. రాగిపిండిని ఒక కప్పు నీటిలో ఉండలు లేకుండా కలిపి పెట్టుకోవాలి. తరువాత గిన్నెలో నాలుగు కప్పుల నీరు పోసి మరుగుతుండగా రాగిపిండి మిశ్రమాన్ని నెమ్మదిగా పోస్తూ కలుపుతూ రెండు నిమిషాల తరువాత దించి పూర్తిగా చల్లారనివ్వాలి. ఖర్జూర పండ్ల ముక్కలు, ఫైవ్‌ స్టార్‌ చాక్లేట్‌ ముక్కలు, రోజ్‌ వాటర్‌ కలిపి మిక్సీలో వేసి తిప్పి అందులో నేరేడు పండ్ల రసం, రాగిమిశమ్రం వేసి మరోసారి తిప్పి తీసి గాజు గ్లాసుల్లో పోసి ఇవ్వాలి. పిల్లలు చాలా ఇష్టంగా ఈ జ్యూస్‌ తాగుతారు.